"ઓ કહાનજી"

હું તો ખખડાવું છું, દ્વાર ઓ કહાનજી,

હું તો ડેલીએ ઊભી છું, ઓ કહાનજી.

આવી છું હું, સોળે શણગાર સજીને,

હ્દયના કમાડ,ખોલો ઓ કહાનજી.

મને જાગ્યા છે,તમને મળવાના કોડ,

તારી ભક્તિમાં મન, મોહ્યું ઓ કહાનજી.

ના હું રાધા બની શકું કે,ના મીરાં,

તોય તારી પ્રેમ દિવાની ઓ કહાનજી.

ભર્યું છે ભક્તિ ભાવથી, હ્દય મારું,

છે તારા મુખડાની, માયા ઓ કહાનજી.

બની છું હું, તારા દિવ્ય તેજનું બિંદુ

"તેજબિંદુ," ને તુજમાં સમાવજે ઓ કહાનજી

"તેજબિંદુ"

૧/૫ /૨૬