Woh Dosti Jo Kabhi Khatam Nahi Hoti. Part 1
✨ Part 1: Ek Seedhi Si Entry… Aur Zindagi Bhar Ka Saath
Hamare school me na koi badi-badi windows thi, na fancy doors… bas ek chhota sa building jahan sab ek dusre ko jaante the. 8th class ke half-yearly exams chal rahe the, aur har jagah ek ajeeb si seriousness thi।
Saniya apni usual bench par baithi thi… ekdum normal din ki tarah।
Tabhi wo aayi…
Na koi announcement, na koi special introduction.
Bas seedha class me aayi, haath me books… aankhon me halka sa confusion।
Teacher ne casually bola,
“Ye Aditi hai, aaj se yahi padhegi।”
Bas itna hi।
Wo dheere-dheere chalti hui Saniya ke paas aayi aur baith gayi।
“Hi… main Aditi,” usne halka sa smile ke saath kaha।
Saniya ne bhi seedha jawab diya, “Saniya…”
Aur phir… kuch khaas nahi hua।
Na koi dramatic start, na koi special moment।
Bas ek simple si baat… aur paper start।
Lekin shayad kuch cheezein aise hi hoti hain —
bina shor ke shuru, par zindagi bhar ke liye reh jaati hain।
Agle kuch dino me pata hi nahi chala kab wo dono classmates se…
ek dusre ki aadat ban gayi।
Wo bina puche pen utha leti…
Saniya bina soche uska tiffin kha leti 😄
Na “please” raha, na “thank you”…
sirf ek ajeeb sa comfort।
Log puchte, “Tum dono kab best friends bane?”
Aur unke paas kabhi jawab nahi hota…
Kyuki sach to ye tha —
pata hi nahi chala kab wo ek dusre ki best friend ban gayi।
👉 Lekin waqt ke saath… ye dosti ek aise mod par aane wali thi jahan baatein kam aur khamoshiyaan zyada ho jaati hain…
to be continue..
✍️ Ek Khamosh Aurat ✍️