Wo dosti jo kabhi khatam nahi hoti Part 3
💔 Part 3: Shaadiyan, Dooriyan… Aur Wahi Purani Dosti
Time dheere-dheere sab kuch badal deta hai…
School khatam hua, life apni direction me nikal gayi।
Pehle roz baat hoti thi…
phir kabhi-kabhi…
aur phir mahine beet jaate the bina baat ke।
Na koi shikayat, na gila।
Phir zindagi ka sabse important phase aaya — shaadi।
Sabse zyada khushi ke pal…
jo har ladki apni best friend ke saath share karna chahti hai।
Lekin yahan kahani thodi alag thi…
Saniya apni shaadi me Aditi ko nahi bula payi…
kuch aisi wajahen thi jo kabhi samjha nahi paayi।
Aur Aditi ki shaadi…
wo itni door hui ki Saniya ja bhi nahi paayi।
Wo best friends the…
jo ek dusre ke sabse important din par saath nahi the।
Us waqt Saniya ne bas itna socha —
“Wo bahut khush hogi… honeymoon ki planning chal rahi hogi…”
Lekin…
Lagbhag ek maheene baad Aditi ka phone aaya।
“Hello…”
Uski awaaz me wo strength nahi thi jo hamesha hoti thi।
Wo Aditi… jo sabko sambhal leti thi…
wo ro rahi thi।
Pehli baar।
Saniya ka dil toot gaya…
wo bas chupchaap sunti rahi।
Zyada kuch kehne ki zarurat nahi thi…
sab samajh aa raha tha।
Zindagi ne usse wo khushi nahi di thi jiska usne sapna dekha tha।
Us din ek baat aur clear ho gayi —
distance, time, silence… kuch bhi ho…
dosti wahi rehti hai।
Aaj bhi…
Mahine beet jaate hain bina baat ke।
Lekin jab emotions overflow hote hain…
👉 Saniya ko Aditi yaad aati hai…
👉 aur Aditi ko Saniya।
Kyuki kuch rishte baaton se nahi…
ehsaas se jude hote hain।
Aur ye dosti…
waqt se pare hai। 💛
Last part
✍️ Ek Khamosh Aurat ✍️