Wo dosti jo kabhi khatam nahi hoti Part 2
🎈 Part 2: Tiffin, Birthdays aur “Sirf Aditi Allowed”
School ke din ab simple nahi rahe the…
har din me thoda sa extra happiness add ho gaya tha।
Tiffin time matlab unka time।
Aditi ka paratha, Saniya ka ghar ka khana… aur bina pooche exchange 😄
Kabhi ek dusre ka homework, kabhi punishment bhi saath।
“Tum dono alag nahi reh sakte kya?” teacher ne gusse me poocha।
Dono ek dusre ko dekh kar hans padi।
School ke bahar bhi unki dosti utni hi strong thi…
Saniya ke ghar wale kaafi strict the।
Kisi ke saath bahar jaana almost impossible।
Lekin ek naam tha jahan rules soft ho jaate the —
Aditi।
Jab bhi uske ghar birthday ya koi function hota,
wo khud Saniya ke ghar aati।
“Main le jaaungi aunty, aur chhod bhi jaaungi,” wo confidently bolti।
Aur sach me…
wo le kar bhi jaati thi, aur safely chhod kar bhi aati thi।
Jaise sirf dost nahi…
ek responsibility ho।
Aur sabse khaas baat —
dono ka birthday same date ko hota tha। 🎂💛
Har saal ek dusre ke saath celebrate karna…
sirf ek routine nahi, ek tradition ban gaya tha।
Us waqt lagta tha —
ye dosti kabhi nahi badlegi।
Lekin zindagi ko shayad kuch aur hi manzoor tha…
👉 Kyuki aane wale waqt me… ye dono best friends apni zindagi ke sabse bade din par saath nahi honge…
to be continue...
✍️ Ek Khamosh Aurat ✍️