Mere siva

Ahsas

Mere dard ko mujhse behtar

Mujhko hi samjhata kaun

Mujhse milne rat andhere

Chupke chupke aata kaun

Iski uski jane kiski

Bato par jo rutha baitha

Mere is pagal se man ko

Mere siwa manata kaun

Meri in katthai aankho me

Chhalak uthe jo nadiya gahri

Alas bhor ke meethe sapne

Un aankho me lata kaun

Sanjh ke gahre dhundhlke me

Rah dekhti barso se jo

Un khali aankho me prem ke

Megha ab barsata kaun

Me hi khud ko n manu to

Antarman khud ka n janu to

Meri surat bin darpan ke

Mere siwa dikhata kaun