Gunahon ka devta

Gunahon ka devta kitab dharmveer bharti ne likhi hai yah kahani prayagraj ki hai

Kahani mein ye bataya gaya hai ki Ek vidyarthi hota hai jiska naam chander hota hai uske professor hote hai professor shukla unki ladki hoti hai jiska naam sudha shukla hota hai . Chander ka kyuki vah professor shukla ka priya vidyarthi hota hai isliye uska dr shukla ke ghar aana jana laga rahta hai isi beech vah professor shukla ki beti sudha se pyar karne lagta hai lekin vah apne pyar ka ijhar nahi kar pata hai uske falswaroop sudha ki shadi kahin aur ho jati hai . Chander pyar to sudha se karta hai lekin uski najar mein vah devta hi bana rahna chahta hai dusri taraf sudha ek bhakt ki tarah chander ko samman deti hai. Ye kaisa pyar tha is pyar mein saririk pyas nahi thi is pyar mein bhavnatmak judav tha. Chander pyar to sudha se karta hai lekin vah professor shukla ke uspe kiye gaye ahsan ke karan kabhi sudha ka hanth nahi maang saka. Is kahani se hame ye seekhne ko milta hai ki Jahan aaj kal ke yuva yuvatiya pyar ke naam par sirf apni saririk pyas ko shant karte hai vahin is kahani mein pyar ko ek alag level pe dikhaya gaya hai isme pyar ko saririk pyas nahi ek bhavnatmak judav bataya gaya hai jo do dilo ko jodta hai. Isme lekhak ne ye bhi bataya hai ki chander jo is kahani ka nayak hai uski sudha ke alawa do aur ladkiya deewani hoti hai ek to sudha ki behan vinti hoti hai aur dusri pammi decruja hoti hai jo divorcee hoti hai. Kyuki is kitab mein dharamveer bharti ji ne Prem ka bahut hi marmik chitran kiya hai isliye ye kitab unhi yuvaon ko padhni chahiye jo Prem ko bhavnatmak judav mante hai . Lekhak ke kahne ka arth ye hai ki Jahan prem hai wahan sirf saririk pyas hi nahi honi chahiye balki dilo ka bhavnatmak judav bhi hona chahiye.