Ager hum bichadh gaye

Agar hum bichad gaye to

Na yeh Dharti rukegi

Na yeh samay rukega

Suraj bhi dubega

Roz ki hi tarah

Main un logon ka

Ho jaunga

Jinka kuch hissa mujh mein hai

Tum ho jana unki

Jinka hissa liye ghum rahi thi

Par ab main vo kho dunga

Vo jo hissa tumhara

mujh mein tha

Jo mera sabse pyara hissa tha

Tum bhi vo nahi rahogi

Jo thi

Kyunki tum mein bhi

Mera kuch hissa tha

Jo ab nahi rahega

Vo hissa jo sabse pyara

Tha

Hum fir milenge ho sakta hai

Saath bhi aa jaye aur

Paas bhi aa jaye

Par ab hissa naya hoga

Batwara fir hoga

Fir hoga hum mein

Parivartan

Par ab vo nahi hoga

Vo

hissa jo ab kho gaya

Hai hamara